التصوير للجميع (3): خط النص - الجزء الثاني

المرة اللي فاتت إتكلمنا عن قاعدة الثلث و الثلثين. وبما إنها "قاعدة" فهي قابلة للكسر.

السؤال: إمتى و إزاي أكسرها؟

إمتى؟ لما يكون في تطابق أو تماثُل (Symmetrical Patterns). وأكثر حاجة يظهر فيها التماثل هو النقوش و الزخارف في الأماكن الأثرية القديمة - أو حتى الحديثة -  سواء مساجد، كنائس، متاحف، قصور، معابد، أو حتى فنادق. لأن اظهار التماثل يبرز جمال المكان والتصميم أكثر.

أو علشان يكون عندنا احساس بالعمق أو البعد في الصورة، لما نصور طريق طويل أو خط سكة حديد مثلا.

إزاي؟ أن الـobject اللي بنصوره يكون في نص الكادر (frame) بالظبط. كأن الصورة مقسومة نصفين متماثلين.

بسيطة خالص :)

ممكن نكسر قاعدة الثلث والثلثين إمتى كمان؟