التصوير للجميع (2): خط النص

لما تيجي تصور أي حاجة أو أي حد، متلعبش في خط النص! 

بمعنى، متخليش اللي بتصوره في نص الكادر بالظبط. خليه على الجنب اليمين أو الشمال. لأن دا بيدي راحة للعين أكتر وهي بتلقط تفاصيل الصورة. 

كل الكاميرات تقريبا فيها خاصية الـGrid اللي بتقسم الشاشة لـ9 مربعات أو مستطيلات متساوية. خلي الخاصية دي شغالة المرة الجاية و حاول تخلي الحاجة المهمة اللي بتصورها على ضلع من ضلعين المربع\المستطيل اللي في النص بالطول (إثنين من الأربع نقاط الحمراء في الصورة دي):

القاعدة ي واحدة من أشهر قواعد التصوير، معروفه باسم "الثلث و الثلثين"، لأن العنصر الأساسي فس الصورة بيكون في ثلث الكادر، و الثلثين للخلفية.

أو The Rule of Thirds.

وبما إنها "قاعدة"، فهي قابله للكسر! ودا هانتكلم عنه المرة الجاية :)