التصوير للجميع!

الطبخ... التصوير للجميع! 

أي حد ممكن يصور، لكن الموهوب هو اللي هيكون مُصوّر عظيم.

لكن مش معنى كدا إن كل ما أعمل عزومة في البيت، أو كل ما أنتج مُنتج جديد في مشروعي الصغير، أو كل ما اطلع رحلة لمكان جديد، أروح أجيب مُصوّر موهوب محترف!

 مش شرط تكون محترف أو إن تكون معاك كاميرا احترافية علشان تصور صور حلوة لمناسباتك الخاصة، أو حتى إنك تدفع مبلغ وقدره لمصوّر محترف علشان يصور صور ظريفة لمنتجات مشروعك الصغير، تستخدمها في الدعايا.
 
هنتكلم عن شوية حاجات ممكن نعملها ونطلع بيها بصور نكون راضين عنها. مش في مستوى الاحترافين قوي، لكن هي محاولة للاستمتاع بأوقاتنا و بالحاجات المهمة لينا اللي يهمنا نحتفظ بذكراها طول العمر.


 لو عندك سؤال عن أي حاجة أو مشكلة قابلتك قبل كدا مع التصويرن ابعت لنا هنا أو على صفحة الـFacebook.